Azərbaycan Respublikası Elm və Təhsil Nazirliyinin dəstəyi, “Bir Könüllü” Tələbələrin Əməkdaşlığı İctimai Birliyinin təşkilatçılığı ilə Quba rayonunda təşkil edilən “EduCamp 2023” və “MathCamp 2023” tələbə düşərgələrinin təlim və informativ sessiyalardan kənar əyləncəli və interaktik proqramı davam edir. 

Düşərgə proqramına uyğun olaraq iştirakçılara səhər saatlarında məşqçi-müəllimlər və idman mütəxəssislərinin dəstəyi ilə bədən tərbiyəsi dərsləri keçirilib. Səhər idmanı ilə yanaşı gün ərzində tələbələr voleybol yarışlarında, stolüstü tennis oyunlarında iştirak ediblər, həmçinin futbol meydançasında komanda şəklində bir-birlərinə qarşı qızğın mübarizə aparıblar. İdman yarışları ilə paralel olaraq tələbələr müxtəlif interaktiv oyunlara qoşularaq əyləncəli vaxt keçiriblər.