“Bir” tələbə-könüllülər layihənin dördüncü günü məşhur azərbaycanlı cazmen Vaqif Mustafazadənin ev muzeyini ziyarət ediblər. Gənclər muzeydə bəstkarın royalı, fotoları, sevimli qızlarının portretləri, büstü, taxtı, kreslo, stol və stulları ilə tanış olublar. Ekskursiya zamanı muzey bələdçisi tələbələrə muzeyin tarixi, bəstəkarın həyatı, əsərləri barədə ətraflı məlumat verib. Vaxtı ilə bu mənzilin 24 kvadrat metrində Vaqif Mustafazadə anası Zivər xanımla birlikdə yaşayıb. Vaqif Mustafazadənin yadigarı olan Əzizə Mustafazadə də burada dünyaya gəlib.

Muzeydə sərgilənən albomlarda Vaqifin uşaqlıq fotoları, ailəsi və özünün müxtəlif dövrlərinə aid xatirələri saxlanılır.