Lənkəran Dövlət Universiteti Respublika Nazirlər Kabinetinin 1991-ci il 25 sentyabr tarixli 319 saylı qərarı ilə Bakı Dövlət Universitetinin filialı kimi fəaliyyətə başlamış, Nazirlər Kabinetinin 1992-ci il 23 iyul tarixli 403 saylı qərarı ilə müstəqil Dövlət Universitetinə (LDU) çevrilmişdir.

Universitetdə 4 fakültə: humanitar elmlər, təbiyyat, iqtisadiyyat və pedaqoji fakültələr fəailiyyət göstərir. Universitetdə 200 nəfərdən artıq professor-müəllim heyəti fəaliyyət göstərir. Onlardan: 2 nəfəri akademik, 30 nəfəri elmlər doktoru, professor, 90 nəfəri elmlər namizədi, dosent və baş müəllimdir. 

Lənkəran Dövlət Universitetində  4 fakültə, 11 kafedra, 1 problem elmi-tədqiqat laboratoriyası, 15-dən çox tədris laboratoriyası və mərkəzləri fəaliyyət göstərir.

Dövlət  Universitetinin 30-dan çox xarici ölkələrin universitetləri və elm mərkəzləri ilə təhsil, elm və mədəniyyət sahəsində əlaqələri vardır.

Lənkəran Dövlət  Universiteti Xəzəryanı Ölkələrin və Avrasiya Universitetləri Assosasiyalarının üzvüdür. Universitet Avropa və Asiya ölkələrinin bir sıra ali məktəbləri ilə əməkdaşlıq sahəsində müqavilələr bağlamışdır.

Fransanın Mark Blok adına Strasburq Universiteti ilə bağlanmış müqaviləyə əsasən hər il bir neçə müəllim tədris prosesində və diplom işlərinin müdafiəsində iştirak etmək üçün Lənkəran Dövlət  Universitetinə dəvət olunurlar. Hər il qarşılıqlı şəkildə müəllim və tələbə  mübadiləsi aparılır.

Hazırda Lənkəran Dövlət  Universitetinin tələbələri ABŞ, Çin Xalq Respublikası, Rusiya, Almaniya və Ukraynada təhsillərini davam etdirirlər.

Ünvan: Azərbaycan Respublikası, Az4200, Lənkəran şəhəri, General Həzi Aslanov xiyabanı - 50.

Sayt: lsu.edu.az

E-mail: office@lsu.edu.az; 

Telefon:  (+994) 025 255-03-40,    025 255-10-35;

Faks:   (+994) 025 255-27-86